Pagsasaayos ng Liwasang Juri

Natapos at Bukas sa Publiko noong Setyembre 13, 2021!

Saklaw ng Trabaho

Kabilang sa renobasyon ng Liwasang Juri ang:

• Pook-laruan para sa mga bata at lugar para sa paggalugad ng kalikasan
• Kagamitan sa ehersisyo
• Pinabuting mga upuan
• Ganap na maaabot na mga daanan
• Mga puno at pananim
• Pinahusay na patubig
• Bagong bakod, tarangkahan at karatula sa bawat pasukan

Panimula

Ang renobasyon ng Parke ng Liwasang JuriJuri Commons Park ay bahagi ng Inisyatibang Let’sPlay SF ! , na naglalayong magbigay-inspirasyon sa pagkamalikhain at paglalaro sa buong Lungsod. 13 palaruan na inuna para sa pagpapabuti ng isang lupong-tagapagsuri ng mamamayan ang kasalukuyang muling iniisip at muling dinidisenyo para sa kasalukuyan at mga susunod na henerasyon ng mga bata ng San Francisco.

Alinsunod sa pagtatalaga ng parke bilang isa sa 13 pook ng Let’sPlaySF!, kasama sa renobasyon ng Liwasang Juri ang mga pasilidad na panlaro gayundin ang iba’t ibang katangiang idinisenyo upang magbigay ng malago, malugod at maaabot na espasyo para sa lahat ng dumadalaw. Malapit na nakipagtulungan ang Kagawaran ng Libangan at ParkeRec and Park sa komunidad, kabilang ang Mga Commoner ng Juri, isang grupong nakalaan sa parke, upang magbigay ng isang ganap na proyekto na kinabibilangan ng bagong pook-laruan para sa mga bata, kagamitan sa ehersisyo para sa nasa hustong gulang, maaabot na mga daanan, bagong pananim at patubig, at pinabuting mga upuan.

Ang Liwasang Juri ay ang luntiang labi ng isang riles ng tren na dumaan sa lungsod simula mahigit 150 taon na ang nakalipas. Ang dating paggamit ng lupaing ito ang bumubuo sa pahabang hugis ng parke at nagsilbing pananggalang sa pook laban sa pagpapaunlad, na nagpapahintulot sa pag-iral ng parke ngayon. Upang ipagdiwang ang kasaysayang ito, ang isang bahagi ng pangunahing daanan sa parke ay idinisenyo upang katawanin ang karanasan sa riles ng tren - isang paalala sa mga gumagamit ng parke o dumaraan dito ng mahalagang nakaraan nito.

Pagpopondo

Pinagsasama ng proyekto ang pondo mula sa Pondo para sa Oportunidad ng KomunidadCommunity Opportunity Fund at ang mga Bayarin sa Epekto ng Pagpapaunlad sa buong lungsod at sinusuportahan ito ng Inisyatibang Let’sPlaySF!. Ang proyektong ito ay pinondohan ng mga pribadong donasyon at pampublikong pinagkukunan kabilang ang:

• 2012 Bono (Pondo para sa Oportunidad ng KomunidadCommunity Opportunity Fund): $524,488
• 2012 Bono (Let’sPlaySF!): $325,000
• Mga Bayarin sa Epekto ng Tagapagpaunlad sa Mga Silangang Kapitbahayan: $1,000,000
• Pilantropiya: $75,512

Kabuuang Pinagkukunan: $1,925,000

Ang paggawad ng kontrata sa konstruksyon para sa proyektong ito ay inaprubahan ng Komisyon ng Libangan at mga ParkeRecreation and Parks Commission noong Marso 4, 2020 ( PDF ); inaprubahan ng Komisyon ng Libangan at mga ParkeRecreation and Parks Commission ang isang susog sa kontrata noong Setyembre 30, 2020 ( PDF ). Ang paggawad ng kontratang ito sa konstruksyon ay nakakuha at sumusunod sa lahat ng regulatoryong pag-apruba ng lungsod, estado, at pederal, kabilang ang anumang tiyak sa mga pinagkukunan ng pondo ng proyektong ito.

Lumabas at Maglaro!

Salamat sa pagsuporta sa mga pagpapabuti ng parke sa inyong mga parke sa San Francisco! Upang manatiling may kaalaman at kasangkot, hinihikayat namin kayong mag-subscribe sa eNews ng Libangan at ParkeRec and Park . Kung nais ninyong tumanggap ng mga update tungkol sa lahat ng aming aktibong proyekto sa pagpapabuting pangkapital, mangyaring bisitahin ang seksyong Agarang Balita ng aming pahina sa web at mag-subscribe sa “Mga Pagpapabuti ng Libangan at ParkeRec Park Improvements | Lahat ng Update sa Proyekto,” o pumili-pili ng inyong mga subscription ayon sa pangalan ng proyekto.

Maaari rin ninyong tuklasin ang mga oportunidad sa pagboluntaryo sa Libangan at ParkeRec and Park – May mga pangangailangan kami sa parke sa bawat sulok ng lungsod at mga oportunidad sa pagboluntaryo na kasing-iba-iba ng inyong mga interes, kasanayan, at kakayahan. Magsaya sa inyong mga parke, at lumabas at maglaro!