Landas ng Twin Peaks

Address

501 Twin Peaks Blvd San Francisco, CA 94114

Mga Oras ng ParkePark Hours: 5 n.u. hanggang Hatinggabi

Sa taas na 922 talampakan, ang Twin Peaks ay pangalawa lamang sa Bundok Davidson pagdating sa taas, nag-aalok ito ng kamangha-manghang tanawin ng Lugar ng Look, at isa itong atraksiyong panturista na kilala sa buong mundo. Orihinal na tinawag na “Los Pechos de la Choca” (Mga Dibdib ng Dalaga) ng mga unang Kastilang naninirahan dito, ang dalawang magkatabing tuktok na ito ay nagbibigay ng tanawing tila nasa postkard at ng isang kayamanan ng iba’t ibang uri ng hayop at halaman. Karamihan sa mga bumibisita sa Twin Peaks ay nagmamaneho (o sumasakay ng bus panturista) papunta sa paradahan sa hilagang tuktok upang tamasahin ang 180-digring tanawin ng Lugar ng Look.

Marami ang nakakaligtaang maranasan ang mga komunidad ng baybaying palumpong at damuhan ng 64-akreng parkeng ito. Katulad ng Marin Headlands, binibigyan tayo ng Twin Peaks ng ideya kung ano ang anyo ng mga burol at tuktok ng San Francisco bago sila tuluyang binago ng pagpapastol at pagkatapos ay ng pagpapaunlad. Ang mga halaman doon ay pangunahin nang pinaghalong damuhan at baybaying palumpong. Asahan ang malalakas na hangin habang naglalakad ka sa gitna ng mga halaman tulad ng coyote brush, lizard tail, pearly everlasting at lupine. Ang nanganganib na Paruparong Asul ng Mission ay umangkop na sa malalakas na hangin at lumilipad nang mababa sa lupa mula sa isang lupine patungo sa isa pa. Ang mga katutubong halaman ay nagbibigay ng tirahan sa mga ibong namumugad sa palumpong tulad ng white-crowned sparrow at sa mga hayop tulad ng brush rabbit at coyote.

Impormasyon Tungkol sa LandasTrail Information

Ang pinakamainam na paraan upang makita ang tanawing ito ay ang maglakad sa 0.7 milyang network ng mga landas na umaakyat sa dalawang tuktok, kung saan makikita mo rin ang 360-digring tanawing higit pa sa makikita sa tanawan ng hilagang tuktok. May mga karagdagang landas na sumusunod sa timog at silangang dalisdis ng parke; siguraduhing manatili sa mga itinatag na landas upang maiwasan ang poison oak at mabawasan ang pagguho ng lupa. Upang mapahaba ang iyong paglalakad, maaari kang magpatuloy pababa sa Twin Peaks Blvd patungo sa Daang Portola papasok sa Parke ng Glen CanyonGlen Canyon Park para sa 1.2 milyang paglalakad.

Kaugnay: Landas ng Creeks to Peaks

Paruparong Asul ng Mission

Ang paruparong asul ng Mission ay isang species na nakalista sa pederal bilang nanganganib at nabubuhay pa rin sa ilang bahagi ng mga county ng San Francisco, Marin, at San Mateo. Noong 2009, 22 buntis na babaeng paruparong asul ng Mission ang pinakawalan sa Twin Peaks, ang tanging lugar kung saan nakaligtas ang paruparong ito sa loob ng lungsod. Hanapin ang mala-asul at kasinlaki ng baryang paruparo sa mabatong damuhan ng parke, kung saan matatagpuan ang tatlong species ng lupine na ginagamit nito bilang pagkain at pinangingitlugan. Ang NAP ay bumuo ng planong pagbawi para sa paruparong asul ng Mission sa Twin Peaks.

Ang silver lupine ay isa sa tatlong katutubong species ng lupine na nagbibigay ng tirahan sa iba’t ibang yugto ng buhay ng kahanga-hangang paruparong ito. Ang babaeng paruparo ay nangingitlog sa lupine at kumakain ng nektar nito. Kapag napisa ang mga itlog, ang bagong sibol na uod ay kumakain ng panloob na bahagi ng mga dahon ng lupine. Kapag nakakuha na ang uod ng sapat na enerhiya mula sa pagkain para sa taglamig, gumagapang ito pababa sa puno ng halaman at pumapasok sa yugto ng pamamahinga. Sa sumunod na tagsibol, lalabas muli ang uod upang kumain at babalik sa lupa upang magpupa, at lalabas mula sa kanyang kokon bilang isang paruparo. Tulad ng maraming species ng paruparo, ang mga larva ng paruparong asul ng Mission ay may mutualistikong ugnayan sa mga langgam. Hinahaplos ng mga langgam na tagapag-alaga ang mga larva gamit ang kanilang antena, na nagiging dahilan upang maglabas ang mga ito ng matamis na likido, na tinatawag na honeydew, na hinahanap-hanap ng mga langgam. Bilang kapalit, pinoprotektahan ng mga langgam ang mga larva mula sa mga mandaragit at parasito.

Paano Makarating

Malawak na magagamit ang paradahan sa kalye sa may Crestline Drive at may maliit na paradahan malapit sa Lugar ng Panonood ng Puno ng Pasko. Ang linya 37 ng Muni ay humihinto sa may Crestline Drive at ang linya 48 ng Muni ay humihinto sa may Portola. Dapat manatiling alerto ang mga bisita sa kanilang paligid sa lahat ng oras. Huwag mag-iwan ng mahahalagang bagay nang walang bantay.

Mga Kaugnay na Link

Likas na Lugar ng Twin Peaks

Landas ng Creeks to Peaks

Mag-ulat ng Isyu sa Pagpapanatili

Mag-ulat ng isyu sa pagpapanatili o bandalismo sa lugar na ito

(Mga larawan ni Melissa Loesgren)