Hardin ng Komunidad ng Palega

Address

500 Felton Street San Francisco, CA 94134

Sinusuportahan at pinamamahalaan ng Kagawaran ng Libangan at Parke ng San Francisco ang 42 (at dumarami pa!) na Mga Hardin ng KomunidadCommunity Gardens na matatagpuan sa buong Lungsod kung saan makapagtatanim ang mga boluntaryo sa hardin ng mga ani at halamang pampalamuti para sa sariling gamit. May ilang paraan upang makilahok sa isa sa aming Mga Hardin ng KomunidadCommunity Gardens.

Mga indibidwal na taniman na inilalaan sa pamamagitan ng sistemang listahan ng paghihintay: May mga hardin ng komunidad na binubuo nang buo ng mga tanimang inilaan sa mga indibidwal na may ilang panlahatang lugar para sa pinagsasaluhang mga pangmatagalang halamang-gamot, katutubong halaman at punong namumunga. Maaaring may regular na nakatakdang mga araw ng paggawa ang mga hardin na ito, kusang-loob na taunang butaw upang bumili ng pinagsasaluhang mga kasangkapan at kagamitan sa hardin, at alinman sa isang indibidwal na boluntaryong tagapag-ugnay ng hardin o isang komiteng tagapamatnubay na namamahala sa pagkakasapi, mga plano para sa araw ng paggawa, at pagtatalaga ng taniman. Ito ang pinakakaraniwang uri ng karanasan sa hardin ng komunidad. Maaaring humiling ang mga indibidwal na isama sa listahan ng paghihintay para sa isang partikular na hardin.

Pakitandaan:

Dahil sa malaking interes sa paghahardin ng komunidad, kailangang isa kang residente ng San Francisco upang mabigyan ng taniman. Kapag may bakanteng taniman, makikipag-ugnayan ang boluntaryong tagapag-ugnay ng hardin sa susunod na pangalan sa listahan ng paghihintay upang mag-alok ng taniman. May mga hardin na napakabihira ng palitan ng mga miyembro kaya maaaring napakatagal ng paghihintay. Malugod kang makakapagdagdag ng iyong pangalan sa listahan ng paghihintay ng ilang hardin ngunit pakisaalang-alang ang oras ng biyahe, paradahan, at daan patungo sa pampublikong transportasyon.

Kapag may bakanteng taniman, magsasagawa ang tagapag-ugnay ng hardin ng oryentasyon para sa bagong miyembro na sasaklaw sa pagpasok sa hardin, mga kasunduan ng miyembro, paniningil ng butaw (kapag itinakda), at mga gawi sa hardin hinggil sa pag-kompost, mga mapanakop na halaman, paggamit ng tubig, at pag-aalis ng basura. Kasama rin sa oryentasyon ang pagpapakilala sa kasalukuyang mga boluntaryo ng hardin na maaaring maging tagapayo mo habang natututo kang maghardin sa iyong bagong espasyo.

Bisitahin ang pangunahing pahina ng mga Hardin ng Komunidad

Mag-ulat ng Isyu sa Pagpapanatili

Mag-ulat ng isyu sa pagpapanatili o bandalismo sa lugar na ito